0
Shares
सुरुङ्गा खबर, सप्तरी। नेकपा (एमाले) को धनुषा जिल्ला कमिटी अन्तर्गत हुने आठौं जिल्ला अधिवेशनलाई लिएर राजनीतिक गतिविधि तीव्र बन्दै गएको छ। यही सन्दर्भमा महिला उपसचिव पदका लागि किरण कपरले आफ्नो उम्मेदवारी औपचारिक रूपमा घोषणा गरेकी छिन्।
कपर लामो समयदेखि संगठनको विभिन्न तहमा क्रियाशील रहँदै आएकी एक प्रतिबद्ध कार्यकर्ता हुन्। उनले महिला सशक्तिकरण, नेतृत्व विकास र समावेशी सहभागितामा विशेष ध्यान दिँदै आएको बताउँदै, आगामी कार्यकालमा ती मुद्दाहरूलाई अझ सशक्त रूपमा अगाडि बढाउने प्रतिबद्धता व्यक्त गरेकी छन्।
उनले भनिन्, “महिलाको नेतृत्व क्षमता उजागर गर्ने अवसरहरू अझै सीमित छन्। म त्यो खाडल पुरा गर्न चाहन्छु। संगठनलाई समावेशी, उत्तरदायी र महिलामैत्री बनाउने मेरो दायित्व हुनेछ।”
किरण कपरले जिल्लाका विभिन्न पालिकाहरूमा महिला सदस्यहरूलाई प्रशिक्षण, चेतना अभिवृद्धि र सञ्जाल विस्तारका कार्यक्रमहरू सञ्चालन गर्दै आइरहेकी छन्। उनले विगतमा पार्टीको नीति निर्माण प्रक्रियामा समेत सुझाव दिने भूमिका खेलेकी थिइन्।
पार्टी स्रोतका अनुसार अधिवेशन वैशाख महिनाको अन्तिम साताभित्र सम्पन्न गर्ने तयारी भइरहेको छ। अधिवेशनबाट नयाँ नेतृत्व चयन हुने भएकोले प्रतिस्पर्धा चर्किँदै गएको छ। महिला उपसचिव पदमा किरण कपरको उम्मेदवारीसँगै अन्य सम्भावित उम्मेदवारहरूको चर्चा पनि सुरु भएको छ।
कपरले संगठनभित्र युवा पुस्त
